Compráceme saudarlles novamente dende esta páxina Web para darlles a benvida a este renovado espazo de información, que desexa estar á altura das novas circunstancias de comunicación en Internet.

Con motivo desta importante mellora no portal Web do Concello de San Cibrao das Viñas, é o noso desexo dar a coñecer os novos servizos que nel se inclúen, co fin de facer máis fluída a nosa relación cos usuarios que nos visiten.

Neste novo portal poderán atopar a información que precisen sobre o seu municipio e as empresas que nel se asentan, ademais de ter acceso a moitas das xestións que a Administración Local ofrece.

Por todo isto invítolles a visitar esta e todas as páxinas que compoñen este espazo Web, para que así, e coas vosas suxestións, podamos mellorar continuamente este e os demais servizos que lles ofrece este Concello.

E para todos aqueles que gusten de visitarnos, brindámoslles un punto de referencia para coñecer e descubrir o noso fermoso municipio.

Coa esperanza de que todo isto represente unha nova mellora de benestar para todos nós, aproveito a ocasión para darlles un cordial saúdo.

Firma: Dª. Elisa Nogueira